Friday, December 2, 2016

‘भाउजू, मन दह्रो पार्नुस्, दाजुको शव बुझेर आउँदै छु’(भिडियो)सक्दो सेयर गरौ.

दुई महिनाअघि साउदी अरबको अस्पतालको बेडबाट बलराम सुनुवारले मलेसियामा रहेका भाइ टीकारामलाई फोनमा भनेका थिए, ‘भाइ, अब तँसँग बोल्न पाउँदिनँ होला । बाँचे भने फर्केर आउनेछु । भाउजू र छोराछोरीको ख्याल गरेस् । जे भने पनि अब तँ नै होस् ।’

त्यसरी भाइलाई सम्झाएको दुई महिना पनि नपुग्दै बुधबार राति साउदी अरबको अल जिदानी अस्पतालमा ३१ वर्षीय बलरामको मृत्यु भयो । रोजगारीका लागि उनी १९ महिनाअघि साउदी अरब पुगेका थिए । उनका भाइ टीकाराम दुई वर्षअघि मलेसिया आएका थिए ।

दाजु अस्पतालमा पुगेपछि घर चलाउन गाह्रो भयो । घर सम्हाल्नको लागि भन्दै नेपाल फर्कने तयारी गर्दागर्दै दाजुको मृत्युको खबर टीकारामले क्वालालम्पुरमा सुने । त्यसयता उनी भावविह्वल भएर भौंतारिरहेका छन् ।

‘मेरो अभिभावक भनेको त्यही दाजु थियो, त्यो पनि बित्यो । आमालाई मैलै चिन्नै पाइनँ । बुबा पनि परार साल बित्नुभो । दाजुलाई पनि गुमाएँ । कति अभागी रै’छु म !,’ उनी आफ्नो भाग्यलाई धिक्कार्दै छन् यतिबेला ।

रामेछाप जिल्लाको नामडी गाविस वडा नम्बर ६ मुखिया टोल अहिले शोकमा डुबेको छ । साउदीमा बितेका बलरामकी श्रीमती अचेत अवस्थामा छिन् भने तीन वर्षको छोरा र एक वर्षीया छोरीलाई सम्हाल्ने समेत कोही छैन । भाइ टीकारामको श्रीमती पाँच वर्षे छोरा लिएर काठमाडौंमा डेरामा बस्दै आएकी छिन् । टीकारामले फोनबाट श्रीमतीलाई छिटो घर गएर भाउजूलाई सम्झाउन र छोराछोरीको ख्याल गर्न भनिरहेका छन् ।

राम्रो कमाइ भएका कारण बलराम दोस्रो पटक साउदी अरब पुगेका थिए । पछिल्लो कम्पनीमा जाँदा पनि राम्रो कमाइ थियो । तर, अचानक उनमा रोग देखा पर्‍यो । स्वास्थ्य बिग्रिएपछि कम्पनीका मालिकले अस्पतालमा भर्ना गरिदिए । उपचार पनि राम्रै गराए । उनलाई ब्रेन ट्युमर भएको रहेछ । पछिल्लो पटक आईसीयुमा राखेर उपचार गराउँदा-गराउँदै उनको मृत्यु भयो ।
कृपया पर्खनुहोस, भिडियो 60 सेकेण्डमा लोड हुदै छ
Loading...

No comments:

Post a Comment